-Самадхи болон Биндү түвшингийн талаар нэг хүн Энэтхэг хэлээр асууж байна...

-Шри Матажи: 

Энэ нь - хүмүүс та нарын сул тал юм. Та нар нэг Самадхи, Биндху, энэ тэр гээд утгагүй номнууд уншчихсан байдаг. Та бүхнээс хүсье, энэ бүхнээ орхи.

Самадхи гээд байдаг, самадхи гэж - эхлээд Нирвичара Самадхи байдаг юм, та нар үүнд хүрхээр, Кундалини чинь дээшээ аяндаа өгсөөд гараад ирдэг. 

Сама-дхи, -дхи гэдэг нь бол Будхи гэж байгаа юм. Энэ нь - хүн гэрэлтэй болвол, гэгээрээд ирвэл  Самадхи болдог гэж байгаа юм.

Тэгэхлээр, юун түрүүн хүний Будхи \оюун ухаан\ нь гэгээрдэг. 

Би дөнгөж сая зөвхөн үүнийн талаар л ярилаа. Эхний гэгээрлийн талаар. Биндху энэ тэр бол дээгүүр түвшнийх бөгөөд Ардха биндху, Бинду тэгээд Валая. Гэхдээ та нар \болоогүй зүйлрүү\ ирээдүйрүүгээ хандсан байх ёсгүй юм. Зүгээр одоо бол, ямар нэгэн ном уншсан гээд, түүнийгээ гайхуулах гэж зүтгэх хэрэггүй юм. Тэгэх нь сайн биш. Зүгээр л, та нар өөрсдийгөө юу, хаана байна гэдгээ харахыг хичээ. Одоогийн түвшинд хамааралгүй юмсын талаар ярих гээд яагаад хүсээд байгаа юм.

Одоо бол, жишээ нь та нар үхэр тэргээр явж байгаа гэж бодье, тэгвэл агаарын тэргийн талаар ярих ямар хэрэг байна? Одоо үхэр тэргээрээ яваад, дараа нь галт тэргэнд суух болно, тэгээд онгоцонд суух түвшинтэй болно. За юу? Нэг нэгээр нь дэс дараалалтай. 

Тэр нэг ном уншсан болхоор, та бүх юмсыг мэддэг болсон гэж өөрийгөө бодох хэрэггүй юм. Ихэнх тэр номнуудыг - тархины хийтэй, оюуны систем нь гэмтчихсэн хүмүүс, - энд тэнд уншсан юмнуудаа цуглуулан хуримтлуулаад биччихсэн байдаг. 

Харин та нар - эдгээр түвшнүүдийг - өөрсдөө олох хэрэгтэй. 

Би та нарын эх, би та нарт ямар нэгэн хоосон том мөрөөдөл, энэ тэр гэж юм хэлмээргүй байна. Би та нарт, хаашаа яаж хөдлөх вэ, тэр аргын талаар заамаар байна. Эх хүний хувьд хэлхэд, одоо та нар энд зогсож байна, бид 1-дугаар ангид байна, нэгдахь шалгалтаан өгөөд давж гар, дараа нь 2-дугаар ангидаа ороод, тэндээ шалгалтаа нь өг. Хүн бүр ийм маягаар сайтар хөгжиж төлөвшихийн тулд үүгээр дамжих хэрэгтэй байдаг. Хувь хүний хувьд боловсорч төлөвшөөгүй ямарч зүйл байх ёсгүй. Тэр уншиж байсан бүхийл номоо хаясан нь дээр. Гэхдээ хэрвээ жинхэн гэгээнтэн хүн бичсэн бол түүнийг нь хадгалаад, тэд нарыг дээгүүр түвшний хүмүүс гэж хүндэлж, бид нар мөн тэр түвшинд нь хүрвэл тэд нар шиг тийм болно гэж бодох хэрэгтэй. Гэхдээ зүгээр нэг номнууд уншчихаад тэр номонд байгаа хүн шиг болно гэж байхгүй шүү дээ, тийм үү?

Иймэрхүү маш олон асуултууд хүмүүсд төрдөг. Би та нарт хэлье, энэ нь бол маш хоосон зүйл мэт юм. Та нар хоосон зүйлд \өөрийгөө хуурч, тийм болоогүй байж\ яаж сэтгэл хангалуун явж байна? Үүнээс та нар юу ч олоогүй байтал. 

Юун түрүүн, түвшинд хүр. Юун түрүүн тогтвортой бол. Аяндаа аажмаар та нар юмсын талаар мэдэх болно. 

Зүгээр ном уншснаар та нар яаж ч байсан Бодь болон хувирна гэж байхгүй биздээ? Тийм үү?

ноён Кулкарни-гийн хэлж байгаагаар маш их ийм асуултууд байдаг гэнэ. Эдгээр асуултууд нь ямарч хэрэггүй зүйл юм. Зүгээр л та нарыг нэг ном уншсан байна гэдгийг чинь л харуулж байна. Тэгээд л болоо, цааш өөр юу ч байхгүй. Өөр юу ч байхгүй. Энэ бол үнэхээр тийм.

Хэрвээ та зүгээр ном уншсан бол, энд ирээд тэр номноосоо л иш татаж байх нь бол үнэндээ хэнд ч хэрэггүй юм. 

Аяндаа шат шатаар та дээш гарч ирэх ёстой.

Хэрвээ та шудрага хүн бол, та үүнийг хүсэж байгаа бол, та шат шатаар гарч ир. Зүгээр нэг юм гайхуулах хэнд ч ямарч хэрэггүй...

820514 The Creative Power (subtitles), Brighton

Сахажа йогийн үндэслэгч - Шри Матажийн хэлсэн лекцний хэсгээс..

Брейтон, Лондон 1982.5.14

1:30

Та нарт ямар нэгэн асуулт байна уу, ямар ч асуулт байхгүй юм уу?

Энэ нь Сахажа йогчид нь юмыг тайлбарлах чадвартай болсон байна гэдгийг харуулж байна. Би тэднээр бахархаж байна. Намайг Австрали явхад сонингийн хүмүүс надаас, танай шавь нар чинь бүгд эрдэмтэд юмуу, гэж асууж байсан. Би, үгүй, тэд зүгээр энгийн хүмүүс. Тэд нар маш энгийн хүмүүс байх ёстой гэв. Тэд: “тэдний юм мэдэж байгаа байдал нь гайхалтай, яг эрдэмтэд шиг юм” гэв. Би: “Бүхийл мэдлэг чинь  өөр дотор байгаа шүү дээ”.

Бүхийл мэдлэг таны дотор байгаа. Хэрвээ та зөвхөн гэрэлтүүлээд харвал, бүхэл мэдлэг дотор чинь байгаа гэдгийг та харах болно. Та өөрийн мэдлэгээ олохыг тулд ийш тийш, хаашаа ч явах хэрэггүй, бүх юм дотор чинь, бүх юмс дотор чинь байгуулагдсан байгаа. Та нар - дотроо Сүнс болон өөрчлөгдхөөр - маш сайхнаар байгуулагдан бүрдсэн байгаа. Би их юм хийгээд байх хэрэггүйгээр, энэ нь зүгээр л аяндаа болчихдог.

Зөвхөн, харин - хүний мэдэх хэрэгтэй ганцхан зүйл бол: “бид - ‘юу хүлээх ёстой вэ?” – гэдэг л зүйл байна. Сүнс (бодь, оюунлаг) болохын тулд – бид юу хүлээх ёстой вэ. Энэ нь мөн адил эрүүл ухаанаар та нарт ойлгогдхоор байх ёстой. Учир шалтгааныг ойлгохоор тийм зөв тайлбартай байх ёстой, зөв шийдэл төгсгөлтэй байх ёстой. Зүгээр л, би та нарт нэг юм хэлсэн болхоор - биш,  эсвэл та нар зүгээр л нэг  хэсэг бүлэглэлийн гишүүн болсон болхоор - биш, нэг байгууллагад, ямар нэгэн мөнгө хураамж төлсөн болхоороо – биш.

------Тийм бишээ.

‘Үнэн байдал’ бол байгаа байдлаараа л байдаг. Тэгээд хүн эрүүл ухаанаар авч үзвэл, Үнэн байдал нь тэндээ хэвээрээ \өөрчлөгдөөгүй\ л байх ёстой.

Эртүүд би та нарт зүүн шугамны талаар ярьж өгсөн, өнгөрсөн үе.., доод ухамсар болон нийт ертөнцийн доод ухамсрын талаар ярьж өгсөн. Мөн бүдүүн баараг эд-ээс урган үүссэн зуршил заншилын талаар хэлсэн. Матери нь ямагт биднийг эзэмдэн, давамгайлах гэж байдаг. Энэ матери нь биднийг давамгайлан байдаг шалтгаан нь бол бид өөрсдөө материас гаралтай учраас энэ нь биднийг хялбархан давамгайлдаг. Харин Сүнс нь үүнээс яаж ангижирч салах вэ? Бид Сүнсээрээ байхын тулд бид яах вэ? Энэ явц яаж болдог вэ?

Хүмүүс Сүнсний биелэлийн талаар  /эртнээс/ ярьж байсан, маш их хүмүүс дахин төрхийн талаар хэлж байсан, та нар дахин төрөх болно гэж хэлж байсан. Тэгээд зарим нэгэн хүмүүс өөрийгөө “би дахин төрсөн” гээд өөртөө цол хэргэм /гэрчилгээ/ өгчихсөн явж байдаг.

Энэ дэлхий дээр төрөл бүрийн хүмүүс - ямар нэгэн юм болно, өөрчлөлт ирнэ гэж зөгнөн - бид нэг юм хайж олох хэрэгтэй гэсэн байдалтай байгаа.

Та нар төсөөлдөө Христосын үед /гэгээнтэн, гүн ухаантан байлаа ч/ тэр үед .. хайдаг хүмүүс маш цөөхөн байсан. Хүмүүсд хандан юм хэлэх маш хэцүү байсан, өөрсдийн шавьдаа хандаж юм хэлэх маш хэцүү байсан – тэд /түүний шавь нар нь/ зүгээр л нэг энгийн загасчид л байсан. Тэд эгэл энгийн /болхи/ хүмүүс байсан. Харин өнөөдөр бол үнэнийг хайдаг маш олон хүмүүсийг харж болно. Бүх дэлхий даяар “нэг юм” хайж байгаа хүмүүс дүүрэн байна…

…Юу хайж байгаа? Та нар юу хайж байгаа вэ?

--Хайж байгаа юм чинь бол та нарын өөрийн Сүнс юм. Өөрийн Сүнсээ хайж байгаа гэж хэлэх нь хүртэл хэтэрхий том сонсогдоно.

Тэгэхлээр тэр Сүнс гэдэг чинь юу юм бэ? Сүнсээ хайж олох нь ямар хэрэгтэй юм бэ?

Хөгжил эволюцийн өнөөгийн байдлаар бид хүн биетэн байгаа - бидний ухамсар хүний түвшнийх. Тэгээд энэ /хүний түвшний/ ухамсар нь бол эцсийнх нь биш юм. Хэрвээ тийм бол та нар ‘юм’ хайх хэрэггүй байх байсан. Энэ нь бол эцсийн сүүлийн төгсгөл /оргил/ нь биш юм. Бид нар, ямар нэгэн байдлаар илүү дээгүүр болох тэрхүү цэгт хүрэх хэрэгтэй юм.

Тэгэхлээр энэхүү сэдвийг яаж эрүүл ухаанаар зөв логиктой дөхүүлэн ойлгох вэ?

Бидний хөгжил эволюцийн явцаар бидэнд юу болсон бэ?

Бид амьтан байсан, үүнээсээ бид хөгжөөд хүн төрлөхтөн болсон. Хүнийг амьтантай харьцуулхад юу нь тийм онцгой гойд ялгаатай байгаа билээ?

Хүний ухамсарт /илүү дээгүүр/ шинэ хэмжигдхүүн бий болсон байгаа. Жишээлбэл та, морийг халтар заваан газарлуу аваачвал, тэрээр юу ч мэдрэхгүй, халтар байна уу, заваан байна уу, гоё байна уу, үзэсгэлэнтэй байна уу, өнгө гэх мэт юу ч мэдэхгүй.

Түүнд юу ч ялгаа хамаагүй. Харин та нэг хүнийг тэр заваан газар юмуу гэрт оруулбал, тэр шууд л энэ заваан газар гэдгийг шууд л ойлгоод, дургүй нь хүрэх болно.

Тэгэхлээр бидэнд юу болсон бэ гэвэл, бидний ухамсарт - амьтантай харьцуулхад, өөр юу ч биш, харин илүү шинэ хэмжигдхүүн бий болсон байгаа юмаа. Өөр үгээр - шинжлэх ухааны нэр томтьёоогоор хэлвэл: бидний төв мэдрэлийн системд шинэ ухамсар, боловсрон бий болсон. Бидний төв нервний системд юу л байна, бид тэрнийхээ хэрээр л чадвартай байна.

Жишээлбэл би үүнийг халуун байна гэж мэдэрвэл, бүгд мөн адил халуун байна гэж мэдэрнэ. Хэрвээ би энэ \Шри Матажи гараар зааж\ тэр нэг тодорхой шувууны өнгө байна гэж хэлбэл, бүгд мөн адил ижилхнээр л хэлнэ. Тэгэхлээр хүний ухамсарт юу л байна…, – би дэмийрэл хий хоосон төсөөллийн талаар хэлээгүй байна, харин бодит байдлын талаар хэлж байгаа давтан хэлье.. Хүүний мэдрэх эрхтнүүдээс нь хамаараад – хүний мэдрэх эрхтэнүүд нь – ижилхэн л юм хэлнэ. Хүн халуун юм мэдэрч байвал тэрээр хүйтэн байна гэж хэлэхгүй, мөн хажууд нь байгаа өөр нэг хүн ч мөн адил тэгж хэлэхгүй. Бүгд – “энэ халуун байна”- л  гэж хэлнэ. Тэгэхлээр нэг юм байдаг -- үнэн бодит байдал – ганцхан л байдаг. Хоёр янзын байх боломжгүй. Тэгэхлээр бидний хөгжил дэвшилд одоо юу болох ёстой вэ, тэр нь бидний ухамсрын түвшинд л болох ёстой.

Жишээлбэл: загас -яст мэлхий болохтой адил. Яст мэлхий боллоо гэхэд түүнд юу учрах вэ? Тэрээр яст мэлхийн ухамсартай болно, газар гишгээд газар эхийг мэдэрдэг болно. Загас байхад нь мэдрэгддэг байсан ямар нэгэн мэдрэмж нь алга болж, өөр нэгэн шинэ юм тэрээр мэдэрдэг болно.

Үүнтэй адил бидний хөгжилд, хэрвээ бидэнд ямар нэгэн юм болох хэрэгтэй юм бол – бид ухамсараараа - ямар нэгэн илүү болох ёстой, өмнө байсан байдлаасаа илүү /болох ёстой/. Үүнд, бид нар бичиж үлдээсэн олон хүмүүсийн жишээнээс авч болно.

Жишээлбэл үүний талаар ярьч байсан Юнг-ийг авч болно. Юнг хэлэхдээ, өөрчлөн хувьсах тэр үед, хүмүүс “нийт даяар” ухамсартай болно, “Тийм болно”. гэж хэлж байсан. Тэрээр, “та нар бүгдээрээ нэг ижил юм хийдэг болно, эсвэл ижилхнээр үйлдэх болно гээгүй”.

Үгүй! Тэрээр: “та нар өөрчлгдөх болно” гэж хэлсэн. Та нар үүнийг ухамсарлан ойлгох болно. Ямарч - хүний өөрийн мэдэлгүй, ойлгомжгүй юм биш.

Тэгэхлээр та нар Сүнсээ хайж байхад.. Хэрвээ Сүнс та нарын оюуныг гэрэлтүүлэх юм бол. Та нар өөрсдийн ухамсартаа өнөө хүртэл мэдэж байсан юмнаасаа илүү юм мэдэж байх болно.

Жишээ нь та нар үүнээс /нэг юм заана/ хүйтэн халууныг мэдэрч байсан бол, тэрхүү ухамсартай болхоор, магадгүй бас нэг өөр юм нэмж мэдрэх болно...

Юнг маш тодорхой хэлж байсан: “та нар даяар нийт /далд/ ухамсрыг ол” гэж хэлж байсан. Тэгэхлээр юм болох өөрчлөгдөх гэдэг нь бидний хөгжлийн үйл явцын гол санаа юм. Өөр юу ч биш.

 Эртний Энэтхэг хэлд, Санскритаар, бодь сүнстэй хүмүүсийг.., (Энэтхэг хүмүүсд энэ талаарх мэдлэг нь  маш элбэг байдаг, бидэнд энэ талаар ойлгох нь ер хэцүү зүйл биш байдаг) …тийм хүмүүсийг “двиджа” – ахин төрсөн хүн гэдэг. Мөн шувууг бас “двиджа” гэдэг. Яагаад гэвэл шувуу нь эхлээд өндөг болон төрдөг, дараа нь боловсорч гүйцээд, нэг мэдхэд шувуу болдог.

Тэгээд энэ нь яг “сүнсний биелэлтэй” зүйрлүүштэй юм. Та нар бас мэднэ, улаан өндөгний баяраар бие биендээ өндөг бэлэглэдэг, энэ бол мөн адил ижилхэн зүйлийг бэлэгшээж байгаан тэмдэг. Бид өндөг байгаад, шувуу болох хэрэгтэй гэдгийг харуулж байгаа юм. Тэгэхлээр бид энэхүү хүний түвшиндээ бид яг өндөг шиг хязгаарлагмал хэмжээндээ байгаа, тэгээд бид шувуу болох тэрхүү хэмжээндээ хүртлээ хөгжин дэвжиж, өсөх хэрэгтэй.

Бусад бүх хүмүүсийн яриад байгаа зүйл бол жинхэн биелэл биш юмаа. Жишээлбэл, би та нарыг сайтар ховсдочихоод та нарт угжны шил өгвөл, та нар тэр угжийг /үг дуугүй хүлээн авч/ яг жижиг хүүхдүүд шиг хөхөж эхлэхтэй адилхан. Тэгээд хичнээн өөрсдөө, дотроо: “утгагүй юм хийж байна даа” гэж мэдэж байсан ч гэсэн, та нар тийм юм хийж байх жишээтэй. Та нар тийм юм хийхээр цаанаасаа албадуулчихсан учраас, яагаад гэвэл тэр хүний нөлөөнд автаж, ховсдуулсан учраас.

Аливаа иймэрхүү ямарч үйлдэлд хэрвээ та орсон байвал – энэ нь “Бодь”-д болох зам биш юмаа. Яагаад гэвэл, танд болж байгаа юу ч байлаа, та - хүн гэх тэр өөрийн ухаанд чинь, хүн гэх тэр зүйлд чинь ямар ч үйл  хөдөлгөөн болоогүй, юу ч өрчлөгдөөгүй учраас.

Бид сармагчин байхдаа, хүн болохын тулд сүүлээ тайрчихаад -за одоо энгээд хүн болчихлоо-  гээгүй. Энэ нь цаанаасаа, аяндаа – цэцэг нь жимс болон хувирдагтай адил болдог, энэ нь амьд үйл явц юм. Бидэнд болох юу ч байлаа амьд үйл явц гэдгийг бид ер ойлгохгүй байгаа -  энэ нь үхмэл хиймэл үйл явц биш юм.

 Хүний хийж чадах зүйл бол бүгд үхмэл амьд биш зүйлс байдаг. Жишээлбэл: хүмүүс толгой дээрээ зогсдог, бид үсэрч хариаж чадна мөн гүйж чадна. Бид янз бүрийн юмс хийж болно, гэхдээ энэ нь амьд үйл явц биш юм. Амьд үйл явц бол – хүн ямар нэгэн юм болон хувирхад бий болно. Тэгээд энэхүү өөрчлөлт дэвшлийг - бүхийл үнэнийг хайдаг, шудрага хүмүүс, үүнийг хүсэмжлэх ёстой юм. Хэрвээ та шудрага биш бол – энэ нь бэрхшээлтэй.

Эсвэл, та шудрага байлаа ч, гэхдээ тодорхой нэг хуурамч үзэл бодолтой өөрийгөө адилтгасан бол, жишээ нь Нэг ном уншсан болхоор юмуу, ном худалдаж авсан болхоор юмуу, эсвэл ямар нэгэн байгууллагын төлөө мөнгө төлсөн учраас түүнээс түүнтэй хамаарчихсан байх энэ бүхэн нь бидэнд тус нэмэр болохгүй.

Бид нарын харах ёстой зүйл бол – бид юу болсон байна? гэдгийг харах. Тэгээд энэ бол би та нарт өчигдөр хэлж байсан зүйл юм, та нар мэргэн багш болцгооно гэж.

 Та нар гүн ухаантай мэргэн болно. Блейк /гээд зөнч/ хэлж байснаар: дээд тэнгэрийн хүмүүс - мэргэд болоод бусдыг мөн мэргэд болгох хүчтэй байх болно гэж байсан. Тэгэхлээр өөртөө маш шудрага хандахын тулд: “би мэргэн болсон байна уу?”, “бусдыг би мэргэн болгож чадаж байна уу?” гэж хэлэх хэрэгтэй. Энэ бол өөрсдийн боловсорч мэргэн болсон эсхээ өөрийн юу чадах талаар мэдэх маш энгийн арга юм. Яагаад гэвэл бүх юм таны дотор байдаг учраас. Бүхийл механизм нь тань дотор байгаа. Та нар яг компьютер шиг юм, гол цахилгаантайгаа холбогдож, ажиллаж эхлэх л үлдээд байгаа.

Тэгээд та нар яг тийм маягаар асах л үлдээд байна. Тэгээд хэрвээ та нар тийм юм болохгүй юм бол, бусад бүхийл зүйлс – зохион байгуулалттай байгууллага байгуулах, энэ тэр гм. зүйлс, бүгд ямарч хэрэггүй зүйл юм. Ямарч үнэ цэнэгүй, бүгд мунхруулга, буруу чиглүүлэг, төөрөлдөөн гэж хэлж болно. Та нар өөрсдөө юу олсон юм? Жишээлбэл та нар: “Өө, Шри Матажи багш бол маш агуй гэгээнтэн, тэгээд тийм гайхамшигтай юм болсон, ийм юм болдог гэнэ, Тэрээр маш агуй их ийм хүчтэй, тийм хүчтэй гэж хэлэх- энэ бүгд нь ямарч хэрэггүй. Энэ нь та нарт ямар хамаатай юм бэ? Би магадгүй …ийн Хатан Хаан байж болно, гэлээ гээд та нарт энэ нь ямар хамаатай юм? Харин - та нар – ямар, “юу” болсон байна гэдэг чинь л хамгийн чухал хэрэг юм, тэгээд та нарыг - тийм болгохын тулд, би та нарт: “бүх юм чинь дотор чинь байна”, гээд би үүнийг хийх ёстой юм, ийм л байна.

Энэхүү мэдлэг нь бидэнд шинэ зүйл биш юм, үнэндээ бол энэ нь бүүр эрт дээр үеэс, /манай эрний өмнөх/ Мозес-ийн үеэс хэлэгдэж байсан юм. Тэрээр ‘галт мод’ гэж хэлж байсан, тэгээд тэр ‘галт мод’ нь юу юм бэ гэдгийг хэн ч мэддэггүй, тэд зүгээр л ‘галт мод’ гээд яриад байдаг. Гэтэл хэрвээ та нар Кундалини хүчийг сайтар харах юм бол, энэ нь үнэхээр яг л галд дүрэлзэж буй мод мэт юм. Мөн энэ нь бас Библи-д бичээстэй байдаг: “Би та нарын өмнө галын дөл шиг үзэгдэх болно” гэж. Тэгээд энэ нь юу вэ гэдгийг хэнч тайлбарладаггүй, хэн ч мэддэгүй. Эдгээр галын дөл шиг харагддаг юм бол хүний энергийн төвүүд хүрдүүд юм - гэгээрхээрээ тэгж асаж байгаа мэт харагддаг.

Гэхдээ жирийн хүн үүнийг хардаггүй, та нар үүнийг харах гэж хичээх хэрэггүй. Яагаад гэвэл /жишээ нь/ та энэ байрнаас гадуур, гадна талд нь байвал та энэ байрыг харах болно, харин та дотор нь байвал та зөвхөн доторхыг нь харна. (хэрвээ та гэрэл болсон бол, өөрийн гэрлээ харахгүй, харин гэрлээс гадна, гэрлээс салангад бол, та гэрэл харна. Гэрэл харна гэдэг чинь – өөрөө гэрэл болж гэгээрхээс тэс хол, өөр -орч.тэмдэглэл).

Тйим учраас, үүнийг хүн ойлгох хэрэгтэй. Нэг юм болно гээд бид, бидний өөрсдийн “төсөөлж, бодож” байснаар байх ёсгүй, харин жинхэн юу болохыг хүлээж авах /авч сурах/ хэрэгтэй. Юун түрүүн биднийг удирдаж байгаа -- “ийм юм болох ёстой, тийм юм болох ёстой” гэсэн буруу адилтгалуудаасаа салах хэрэгтэй - би гэрэл харах ёстой, би агаарт нисэх ёстой гэсэн юмнаасаа салах хэрэгтэй. Энэ чинь утгагүй зүйл юм.

Яагаад нисэх хэрэгтэй юм, би ер ойлгодоггүй. Нисэх гэж дэлхийг тойрхоос илүү мөнгө төлж байдаг. Үнэхээр, хэрвээ та галт тэргээр ч юмуу онгоцоор аялах юм бол, энэ нь тэр нисэх гэж хуурагдан төлөх мөнгөнөөс чинь тэгж их үнэтэй гарахгүй. Энэ юуг харуулж байна? Бид үүнийг ойлгох хэрэгтэй. Биднийг нисүүлнэ гээд мөнгө аваад байдаг. Энэ юу вэ? Энэ бол хүнийг ховсдож өөрийн мэдэлгүй болгох арга юм. Энэ нь тэгээд маш нарийн аргаар болдог учраас, та  нар юу болоод байгааг ер ойлгохгүй. Та үүнд зүгээр л татагдаад л орчихно. Тийм ижилхэн асуудалд нэг хүн орчихсон, манайд ирж байсан. Нэг томоохон хүрээлэнгийн захирал байсан, тэрээр одоо унадаг өвчинтэй, эхнэр хүүхэд нь бас хамт яваад тийм унадаг болчихсон. Тэд гэрээ алдаад, ямарч ширхэг мөнгөгүй болчихоод эцэст нь над дээр ирсэн. Тэгээд тийм нисэх гэсэн адал явдалд орооцолдсон хүмүүсд ийм юм болдог байна.

Тэгэхлээр одоо хүн ойлгох хэрэгтэй, хүний өөрийн хөгжлийн төлөө хүн мөнгө төлөх боломжгүй, төлөх боломжгүй! Үүнийг ойлгох нь маш хялбархан.

Өчигдөр би та нарт хэлж байснаар – та нар энэ цэцэгт мөнгө төлчихөөд – дэлгэрээд өгөөч - гэж хэлэх боломжгүй. Энэ бол мөнгө төлөх боломжгүй амьд үйл явц юм. Энэ нь мөнгө гэдгийг ойлгодоггүй. Амьд үйл явц мөнгө гэдгийг ойлгохгүй, жишээлбэл гэдэс нь өвдчихөөд хүн ходоодруугаа хандан: ”миний хоолыг боловсруулаад өгнө үү” гэх явдлыг би хараагүй. Бид тэгдэггүй биздээ. Үүнтэй адил – энэ бол - та мөнгө төлөх боломжгүй - хамгийн томоос том хамгийн агуй амьд үйл явц юм.

Энэ бол хүний хувьд ойлгох маш нарийн зүйл юм, яагаад гэвэл хүн юм болгонд мөнгө төлөх ёстой, эс тэгвэл энэ нь ажилладаггүй гэж боддог. Жишээлбэл машин авхад, сайн ажилладаг машин авах хүсэлтэй байхад… Ажилладаггүй машинд мөнгө төлөх хэрэггүй байдаг, харин ажилладаг машинд мөнгө төлдөг. Үнэ төлбөргүй ямар нэгэн машин байлаа гэвэл – тэр нь заавал хог хаягдал байгаа гэсэн үг. Та үүнийг авч ч чадахгүй, хог хаягдалруу зөөж аваачхад хүртэл ямар нэгэн мөнгө төлөх хэрэгтэй. Тийм учраас хүний толгойнд ямагт – төлбөр төлөх ёстой гэсэн ойлголт суучихсан байдаг. Тэгээд мөнгө төлөхгүй байна гэдэг нь ер болохгүй муу зүйл гэж боддог.

Харин миний яриад байгаа юм бол хүний ойлголтоос дээгүүр зүйл юм. Хүн биетэн бол тийм дээгүүр биш. Жишээлбэл, бид цэцгийг жимс болгож чадахгүй. Амьд үйл явц нь өөрөө хүний түвшнээс дээгүүр. Харин гэхдээ та хөгжөөд ирвэл, хэт хүн болоод ирвэл, та үүнийг хийж чадах болно. Тэгээд энэ нь танд болох ёстой юм, хэрвээ энэ нь танд болохгүй бол, бусад бүх зүйлс бол буруу зүйлс юм. Би та нарт маш их санаа зовон хандаж хэлж байна. Яагаад гэвэл зах зээлд байгаа хүмүүс бол бараа бүтээгдхүүнээ сайн зарж чаддаг. Тэд нар таныг яаж юунд дурлуулах вэ гэдгээ сайн мэддэг, танд ямар бодол толгойнд чинь суулгах вэ, яаж өөрийг чинь худал хуурмаг юмтай бүүр нэг болгох вэ гэдгээ сайн мэддэг, тэгээд та нар зүгээр л тэдэнтэй бүрэн гүйцэд уусаад, тэднийг бүрэн гүйцэд алга болоод өгтөл нь хамтдаа байдаг.

Тэгээд та нар орхихдон хоцорчихоод: “өө бурхан минь, энэ чинь юу болоод өнгөрвөө?” /гээд гэнэт сэрдэг/.

Нэг юм бол- таны сүнс амь чинь алга болоогүй л байдаг. Тэр нь юу ч болж байсан, та ямарч алдаа хийж байсан, та юу ч хайж байсан, таны амьд байх хугацаанд тэр чинь тэндээ байж л байдаг.

Тэгээд энэхүү сүнс амь чинь таны ухамсар анхаарлын чинь төвд орох хэрэгтэй юм. Юу гэсэн үг вэ гэвэл таны төв нервний системэнд орох. Бид Сүнсэн амьныхаа хүчийг өөрийн биендээ мэдрэх ёстой юм. Үүнийг Сахажайога гэдэг юм. Сахажа гэж би та нарт хэлж байсан, та нарт төрхөөс чинь байдаг гэж…

.